Dələduz müstəntiqlə bağlı araşdırma başladı

Gəncə şəhər Baş Polis İdarəsinin müstəntiqi Rauf Atakişiyev barəsində araşdırma aparılır.

Lent.az -ın məlumatına görə, bu barədə Baş Prokurorluğun İnstaqram səhifəsində “Sual-cavab” layihəsində vətəndaşın müraciətinə cavab olaraq qeyd olunub.

Baş Prokurorluqdan bildirilib ki, qeyd olunan faktla bağlı müraciət əsasında hazırda Gəncə şəhər prokurorluğunda araşdırma aparılır. Həmçinin, bildirmək istəyirik ki, məsələ baxılması üçün Baş Prokurorluğun Xidməti Araşdırmalar İdarəsinə və Prokurorluqda İstintaqa Nəzarət İdarəsinə göndərilib.

Qeyd edək ki, layihənin rəy bölümünə yazan sosial şəbəkə istifadəçisi Gəncə şəhər Baş Polis İdarəsinin müstəntiqi Rauf Atakişiyevin dələduzluq yolu ilə onlardan 230 min manat pul aldığını bildirib.