06:56
23 Avqust 2020

Məşhur reper ABŞ prezidenti olmaq istəyir

Amerikalı reper Kanye Uest Luiziana ştatında ABŞ-da prezident seçkilərində iştirak etmək üçün müraciət edib.

APA xəbər verir ki, bu barədə yerli xəbər portalı “Nola” məlumat yayıb.

Qeyd olunur ki, bir çox ştatdan fərqli olaraq Luizianada müstəqil namizədlərin bülletenə öz adlarını yazdırması üçün minlərlə imza toplanmasına ehtiyac yoxdur. Bunun əvəzinə, namizəd yalnız 500 dollarlıq qeydiyyat haqqı ödəməlidir.

Məlumata görə, hip-hop ulduzu ilə yanaşı Luizianadan daha 10 müstəqil namizəd ABŞ-da prezident seçkilərində iştirak etmək üçün müraciət edib.

Qeyd edək ki, ABŞ-da 59-cu prezident seçkiləri noyabrın 3-nə təyin olunub.

Dİgər xəbərlər