“İşğalçıya qarşı torpaqlarını müdafiə etdikləri üçün Azərbaycanın yanındayıq”.
Lent.az xəbər verir ki, bu sözləri Türkiyənin İYİ Partiyasının sədri Meral Akşener "Twitter" səhifəsində etdiyi paylaşımda qeyd edib.
Azərbaycan-Ermənistan sərhədində baş verən qarşıdurma ilə əlaqədar Azərbaycana dəstək verən partiya sədri bildirib ki, Azərbaycana dəstək sadəcə qardaş olduqları üçün deyil:
"Ermənistanın can Azərbaycanımıza qarşı aqressiyasında şəhid olan qardaşlarımıza Allahdan rəhmət, yaralılarımıza şəfa diləyirəm. Sadəcə qardaşlarımız olduqları üçün deyil, işğalçıya qarşı torpaqlarını müdafiə etdikləri üçün də yanlarındayıq, hər zaman da yanlarında olacağıq".
Xanım siyasətçinin bu statusuna izləyicilər tərəfindən çoxsaylı şərhlər yazılıb. Hər kəs öz şərhində Azərbaycanı dəstəklədiyini qeyd edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
