23:06
13 Aprel 2020

İtaliyada koronavirusdan ölənlərin sayı 20,5 min nəfərə çatdı


İtaliyada son sutkada koronavirusdan ölənlərin sayı ötən günə nisbətən artıb. Ötən gün 431 nəfər dünyasını dəyişmişdi, bu gün isə bu rəqəm 566-dır.

APA xəbər verir ki, bu barədə İtaliyanın Mülki Müdafiə Departamentinin məlumatında bildirilib.

Ölkə üzrə epidemiya qurbanlarının ümumi sayı 20465-ə çatıb, yoluxanların sayı isə 159,5 min nəfəri keçib. Bu, əvvəlki gündən 3115 nəfər çoxdur.

Departament rəhbəri Angelo Borrelli sağalan xəstələrin sayının artaraq 35,5 minə çatdığını deyib: “Artıq onuncu gündür ki, reanimasiya şöbəsinə yerləşdirilənlərin sayı azalmaqdadır. Hazırda 103,616 xəstədən 3260-ı reanimasiyadadır, onlardan üçdə biri (1,143) ölkənin şimal bölgəsində - Lombardiyadadır. 72333 nəfər isə ev şəraitində müalicə alır”.

Dİgər xəbərlər