976
16:00
01 Aprel 2020

Karantinə əməl etməyənlər cərimələndi - FOTO

Karantin qaydalarına əməl etməyənlər cərimələnib.

Daxili İşlər Nazirliyindən Lent.az -a verilən məlumata görə, karantin qaydalarının təmin edilməsi məqsədi ilə nazirliyin əməkdaşları tərəfindən tədbirlər mütəmadi olaraq davam etdirilir. Xüsusi karantin rejimi tədbirlərinin gücləndirilməsi üçün polis əməkdaşları tərəfindən vətəndaşlarla profilaktik söhbətlər aparılır. Edilən xəbərdaqlıqlara məhəl qoymayan şəxslər isə İnzibati Xətalar Məcəlləsinin 211-ci (Epidemiya əleyhinə rejimin, sanitariya-gigiyena və karantin rejimlərinin pozulması) maddəsi ilə cərimə edilirlər.

Daxili İşlər Nazirliyi vətəndaşları koronavirus pandemiyası ilə mübarizədə virusun ölkədə yayılmasının və onun törədə biləcəyi fəsadların qarşısının alınması məqsədi ilə elan edilən xüsusi karantin rejiminə əməl etməyə çağırır.