4811
15:48
29 Mart 2020

Azərbaycanda QANDONDURAN HADİSƏ: oğul anasının boğazına bıçaqla... - YENİLƏNİB

Qusarda oğulun anasını öldürməsi ilə bağlı yeni təfərrüatlar ortaya çıxıb.

Lent.az -ın əldə etdiyi məlumata əsasən, Nail Əhmədovun narkotik aludəçisi olduğu bildirilir. Həmçinin kənd sakinlərinin sözlərinə görə, ailənin tək oğlu olan N.Əhmədov əvvəllər də dəfələrlə anası Raifə Əhmədova ilə mübahisə edib. Nail Xurel kəndindəki evdə anası ilə tək yaşayırmış. Atası 8 il əvvəl dünyadan köçüb, bacısı isə Qusarın başqa kəndinə gəlin köçüb.

Hazırda qətli törədən N.Əhmədovun tapılıb istintaqa təhvil verilməsi üçün əməliyyat-axtarış tədbirləri davam etdirilir.

***

Saat: 11:31

Qusar rayonu ərazisində qətl hadisəsi baş verib.

APA-nın şimal bürosunun verdiyi məlumata görə, hadisə rayonun Xurel kəndində qeydə alınıb. Kənd sakini, 1995-ci il təvəllüdlü Əhmədov Nail Hacıağa oğlu anası, 1971-ci il təvəllüdlü Əhmədova Maisə Aydəbəy qızını boğaz nahiyəsinə bıçaqla zərbə endirərək qətlə yetirib.

Qətli törətdikdən sonra N.Əhmədov hadisə yerindən qaçıb. Onun saxlanılması istiqamətində əməliyyat-axtarış tədbirləri davam etdirilir.

Faktla bağlı cinayət işi açılıb, istintaq əməliyyat tədbirləri aparılır.