Təhsil Nazirliyinin əməkdaşları Xırdalanda avtomobilin vurduğu şagirdləri ziyarət ediblər.
Lent.az xəbər verir ki, bu barədə nazirliyin mətbuat katibi Cəsarət Valehov özünün “Facebook” profilində məlumat paylaşıb:
“Xırdalan şəhər 1 nömrəli tam orta məktəbin 8-ci sinif şagirdləri Alsu Səbzəliyeva və Fidan Orucovanı məktəbə gedərəkən minik avtomobili vurub. Şagirdlərin hər ikisi ağır bədən xəsarəti ilə 1 saylı Kliniki Tibbi Mərkəzə çatdırılıblar. Hazırda isə müalicələrini Bakı City Hospitalda davam etdirirlər. Təhsil Nazirliyinin rəhbərliyinin tapşırığı ilə şagirdlərimizə xəstəxanada baş çəkdik, keçmiş olsun dedik”.