Bakıda quldurluq edən keçmiş məhkum saxlanıldı

Bakıda taksi sürücüsünə qarşı quldurluq edilib.

Lent.az -a Daxili İşlər Nazirliyindən verilən xəbərə görə, nazirliyin “102” Zəng Mərkəzinə quldurluq barədə məlumat daxil olub. Müraciətlə əlaqədar Nərimanov rayon Polis İdarəsi 17-ci Polis Şöbəsi əməkdaşlarının apardığı araşdırmalarla müəyyən edilib ki, yanvarın 9-da saat 1 radələrində D.Əliyeva küçəsində Bakı şəhər sakini A.Mustafayevin idarə etdiyi “Hyundai” markalı avtomobilə sərnişin qismində minən şəxs Z.Bünyadov prospektinə gedəcəyini bildirib və qeyd edilən prospektdə sürücünü bıçaqla hədələyərək pulunu alıb düşərək hadisə yerini tərk edib.

Nərimanov rayon 17-ci Polis Şöbəsi əməkdaşlarının keçirdikləri əməliyyat-axtarış tədbirləri nəticəsində quldurluğu törətməkdə şübhəli bilinən Yevlax rayon sakini, əvvəllər məhkum olunmuş R.Məmmədov saxlanılıb.