"Sony" şirkəti "CES 2020" sərgisində "Bosch", "NVIDIA", "Continental", "Magna" və "Genetex" kimi nəhənglərlə tərəfdaşlıq haqqında saziş imzalayaraq ilk elektromobilin prototipini təqdim edib.
Lent.az "ictnews"a istinadən xəbər verir ki, "Sony Vision-S" adlı konseptual avtomobil ilk növbədə müasir texnologiyaların avtomobil sənayesində istifadəsini nümayiş etdirir. Şirkət bir neçə il ərzində avtomobil idarəetməsini daha rahat edən avtomobil sensorlarının inkişafı üzərində çalışıb.
Nəticədə "Vision-S" avtomobilin həm eksteryerinə, həm də interyerinə tam nəzarət edən 33 sensorla təchiz edilib. Ötürücülər lazımi təhlükəsizliyi təmin edərək piyadaların vurulmasını və avtomobillərlə toqquşmaların qarşısını alır. "Sony" nümayəndələrinin sözlərinə görə, avtomobildə "Reality Audio" panoram səs texnologiyası ilə təchiz edilən informasiya əyləncə sisteminə xüsusi diqqət yetirilib.
"Vision-S" platforması sənaye nəhəngi "Magna" tərəfindən hazırlanıb.
Avtomobilin texniki xüsusiyyətləri, o cümlədən avtopilot sisteminin inteqrasiyası və satışa çıxarılma müddəti barədə məlumat verilmir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
