5740
16:09
07 Yanvar 2020

Qasım Süleymaninin dəfnində 40 nəfər öldü, 213 nəfər yaralandı - YENİLƏNİB

İranın Kirman şəhərində Qasım Süleymaninin dəfn mərasimində yaşanan izdihamda ölənlərin və xəsarət alanların sayı artır.

APA-nın İran müxbiri xəbər verir ki, ölkənin Təcili Tibbi Yardım Xidmətinin yaydığı məlumatda izdihamda ölənlərinin sayının 40-a, yaralananların sayının isə 213-ə çatdığı bildirilir.

Qeyd edək ki, izdihamda kütləvi ölənlərin və yaralananların olması ilə əlaqədar Q. Süleymaninin dəfn mərasimi təxirə salınıb.

***

13:48

İranın Kirman şəhərində Qasım Süleymaninin dəfn mərasimində yaşanan izdihamda ölənlərin və xəsarət alanların sayı məlum olub.

APA-nın yerli bürosunun İran dövlət televiziyasının saytına istinadən verdiyi xəbərə görə, Qasım Süleymaninin dəfn mərasimində 35 nəfər ölüb, 48 nəfər xəsarət alıb.

***

saat 13:28

İranın Kirman şəhərində Qasım Süleymaninin dəfn mərasimində yaşanan izdihamda ölənlər var.

APA-nın Tehran bürosunun məlumatına görə, bunu İranın Təcili Tibbi Yardım Xidmətinin rəhbəri Pirhüseyn Kulivənd deyib.

Ölənlərin dəqiq sayı barədə açıqlama verilməyib.

P.Kulivənd hadisə nəticəsində yaralananların da olduğunu bildirib.