4546
05:10
05 Yanvar 2020

Liviyada hava hücumu nəticəsində hərbi məktəbdə 23 kursant ölüb

Liviyanın paytaxtı Tripoli şəhərində hərbi məktəb havadan endirilən hücum zamanı 23 kursant ölüb.

APA RİA Novosti-yə istinadən xəbər verir ki, bu barədə ölkənin Səhiyyə Nazirliyi məlumat yayıb.

Onlarla kursantın yaralandığı bildirilir.

Əl-Cəzirə kanalı isə hava zərbəsi nəticəsində ölənlərin sayının 28-ə çatdığını bildirib.

Qeyd edək ki, hərbi məktəb Fayz Sarrajın rəhbərlik etdiyi Milli Barışıq Hökumətinin nəzarətində olan Əl-Hadba əl-Hadra bölgəsində yerləşir.