Türkiyənin qastronomiya mütəxəssisi Özge Seçmeler paketlenmiş qidalardakı etiketlərlə bağlı danışıb.
Lent.az Türkiyə mətbuatına istinadən xəbər verir ki, Ö.Seçmeler qida alarkən etiketlərin mütləq oxunmalı olduğu bildirib:
"Bəzi qidalarda insan sağlamlığının qorunması üçün antimikrobiyal (mikroorqanizmləri məhv edən, böyüməsini və ya çoxalma qabiliyyətini boğan agent) istifadə edilməlidir, ancaq bəzi qidalarda bundan istifadə etmək lazım deyil.
Məsələn, Türk Qida Kodeksində bal, yağ, şəkər, çörək və s. qidalarda qatqı maddələrin olmasına icazə verilmir. Bundan əlavə, icazə verilən qidalara da qatqı maddələrdən istifadə məhdudiyyəti qoyulur".
Ö.Seçmeler qeyd edib ki, bütün qidaların etiketləri mütləq oxunmalı, istifadə müddətinin son gününə nəzər yetirilməlidir:
"Alıcıları qorumaq üçün işləyən dərnəklər bunun üçün telefonlara yüklənə biləcək proqramlar hazırlayıblar. Bununla da insanlar qidaların etiketlərini yoxlayaraq, məhsullardan rahatlıqla istifadə edə bilərlər".
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
