“Barselona” və “Real” klublarının sabiq futbolçusu Samuel Eto dekabrın 18-də keçiriləcək “El Klasiko” haqda fikir bildirib.
Lent.az-ın məlumatına görə, keçmiş hücumçu meydan sahiblərinin qələbə qazanacağını qeyd edib.
“Təbii ki, “Barselona”nın qalib olmasını istəyirəm. Fikrimcə, bu tapşırığın öhdəsindən gələ biləcəklər. Baxımlı oyun, rəqiblərin bir-birinə hörmətlə yanaşmasını görsək, əla olar. “El Klasiko” bütün dünyanın diqqət mərkəzində olan qarşılaşmadır. Yenə bu görüşə böyük maraq var. Amma meydanda hər şey idman prinsipləri çərçivəsində olmalıdır”, - Eto bildirib.
Qeyd edək ki, “Nou Kamp”da keçiriləcək “Barselona” - “Real” oyunu Bakı vaxtı ilə saat 23:00-da start götürəcək.