2076
17:00
21 Noyabr 2019

Baş həkimdən zəhərlənən tələbələrlə bağlı AÇIQLAMA

“Zəhərlənən tələbələrin vəziyyəti stabil, ağır olaraq qalır”.

Bu barədə APA -ya Kliniki Tibbi Mərkəzin baş həkimi Ədalət Dadaşov bildirib. Baş həkim tələbələrin həyati təhlükəsinin olub-olmaması ilə bağlı bildirib ki, zəhərlənmənin mənşəyi hələlik məlum olmadığı üçün bu barədə fikir bildirmək mümkün deyil: “Bütün səylərimiz onların həyatının xilas edilməsi ilə bağlıdır. Müəyyən qədər huşları özünə gəlib, orta həcmli suallara cavab verə bilirlər. Ancaq elə zəhərlənmə ola bilər ki, sonradan huşları yenidən itə bilər. Zəhərlənmənin növləri müxtəlifdir, həm məişət, həm sənaye zəhərlənmələri olur. Hazırda onların vəziyyətinin yaxşılaşması üçün çalışırıq”.

Qeyd edək ki, Bakı Dövlət Universitetinin yataqxanasında 3 tələbə qız zəhərlənib. Həmin qızlar huşsuz vəziyyətdə tapılıblar. Onlardan biri dünyasını dəyişib. Ölən qızın Fizika fakültəsinin tələbəsi, 20 yaşlı Şəkər Faiq qızı Hasmətova olduğu müəyyən edilib. Zəhərlənən digər iki tələbə isə 21 yaşlı Həmidə İbadova və Kitabxanaçılıq fakültəsinin 4-cü kurs tələbəsi Dürrubə Quliyevadır.