Antalyanın Serik rayonunda yaşayan 45 yaşlı Əminə Kumaz son 2 ayda həyat yoldaşını beyin qanamasından, uşaqları, 15 yaşlı Okay ilə 18 yaşlı qızı Ayşe Kumazı da motosiklet qəzasında itirib.
Lent.az-ın Türkiyə mətbuatına istinadla verdiyi xəbərə görə, hər gün həyat yoldaşı və uşaqlarının məzarını ziyarət edib, şəkillərindən təsəlli tapmağa çalışan Əminə Kumaz orqanlarını bağışladığı Ayşe üçün, "Mənim uşağım ölmədi. Bir yerlərdə yaşayır", - deyir.
Serikin Boğazkent məhəlləsində yaşayan Okay Kumaz ilə bacısı Ayşe Kumaz sentyabrın 27-də motosikletlə gəzintiyə çıxıb. Okay Kumazın istifadə etdiyi motosiklet maşınla toqquşub.
Motosikletdən yıxılan və ikisində də kaska olmayan bacı və qardaş ağır yaralanıb. Serik Dövlət Xəstəxanasına yerləşdirilən Okay Kumaz bütün müdaxiləyə baxmayaraq həyatını itirib. Aralıq dənizi Universiteti Xəstəxanasında müalicəyə olunan Ayşe Kumaz isə oktyabrın 3-də beyin ölümü gerçəkləşib. Ana Əminə Kumaz qızının ürək, qaraciyər, ağciyər və böyrəklərini bağışlayıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
