Qadını öldürən marşrutun rəhbəri danışdı: "20-30 sürətlə gedirdi"
Qadın piyadanı vuran sürücünün kimliyi məlum olub.
Lent.az-ın əldə etdiyi məlumata görə, bu gün səhər saatlarında 34 yaşlı Kəmalə Əliyevanı vuran 67 nömrəli marşrut avtobusu "Menlok" sərnişindaşıma məxsusdur. Hadisə ilə əlaqədar "Menlok" MMC-nin rəhbəri Hikmət Bağırov Lent.az-a danışıb: "Hadisə bu gün səhər tezdən baş verib. İbrahim Hacıyevin idarə etdiyi 67 nömrəli marşrut avtobusu depodan gündəlik fəaliyyətə başlamaq üçün çıxıb. Sürəti 20-30 olub. Piyadanı isə döngədə vurub. Döngədə isə aydındır ki, avtobusun sürəti bundan artıq ola bilməz. Özüm də hadisə baş verən yerə baş çəkmişəm. Qadın piyada keçidindən 10-15 metr kənarda yolu keçirmiş".
Hazırda faktla bağlı Binəqədi Rayon Prokurorluğunda araşdırma aparılır.
saat: 10:22
Avtobus sürücüsü saxlanılmayıb.
Bu barədə Lent.az-a Binəqədi Rayon Prokurorluğundan məlumat verilib. Prokurorluqdan daxil olan xəbərdə hadisəni törədən 67 nömrəli marşrut avtobusu sürücüsünün hələ də saxlanılmadığı bildirilib.
saat: 09:41
Bakıda sərnişin avtobusu qadın piyadanı vurub.
Hadisə bu gün səhər Binəqədi rayonunda qeydə alınıb. 67 saylı xətt üzrə hərəkət edən avtobus 1985-ci il təvəllüdlü Əliyeva Kəmaləni vurub.
Hadisə yerinə cəlb olunan təcili tibbi yardım briqadası qadını 1 saylı Kliniki Tibbi Mərkəzə çatıdırıb.
Məkəzdən verilən məlumata görə, K.Əliyeva bədənin müxtəlif yerlərindən çoxsaylı xəsarətlər alıb və daxili qanaxması olub. Həkimlərin səyinə baxmayaraq, qadın dünyasını dəyişib.
(Trend)
5678