449
18:39
19 Oktyabr 2019

Messi, Suares və Qrizmann “Barselona”ya qələbə qazandırdı

“Barselona”nın futbolçuları İspaniya çempionatının 9-cu turunda “Eybar”ı səfərdə 3:0 hesabı ilə qalib gəliblər.
Lent.az xarici KİV-ə istinadla bildirir ki, Kataloniya klubunun heyətində Antuan Qrizmann (13-cü dəqiqə), Lionel Messi (58-ci dəqiqə) və Luis Suares (66-cı dəqiqə) fərqləniblər.
“Barselona” bu oyundan sonra 19 xal toplayıb və İspaniya çempionatında liderliyə yüksəlib. “Eybar” 9 xalla 14-cü sıradadır.
“Barselona” növbəti turda öz meydanında “Real” ilə qarşılaşmalıdır. Lakin həmin oyun başqa vaxta keçirilib.