3854
15:05
03 Oktyabr 2019

İtkin düşən tələbə tapıldı - YENİLƏNİB

"Oğlum polislər tərəfindən tapılıb".
Bu barədə Lent.az -a Bakıda itkin düşmüş Əsədulla Cəfərovun atası Əfqan Cəfərov deyib. O bildirib ki, oğlu artıq yanındadır və hər şey yaxşıdır.
***
12:09
"13 gündür, oğlumun axtarışı davam edir”.
Bu sözləri Lent.az -a Bakıda itkin düşmüş Əsədulla Cəfərovun atası Əfqan Cəfərov deyib. O, bildirib ki, kamera görüntülərində oğlu ilə birlikdə görünənkişi Əsədullanın axtarışda olduğunu sonradan bilib:
“Oğlum yeni kafe açıb işlədən kişiyə deyib ki, guya biz kəndə getmişik, özü də universitetdən çıxıb, iş axtarır. O da Əsədullaya deyib ki, 2-3 günə kafe açılacaq, gəlib işləsin. Ondan qaldığı yeri də soruşub, oğlum deyib ki, “8-ci km bazarı" tərəfdə günlük evlərdə qalır.Dünən axşam tərəfi dediyi yerə də getdim. Məlum oldu ki, 2 gündür oğlum ora da getmir. İndi bazar ətrafında olan yerlərdə onu axtarıram. Oğlumun qayıtmasını istəyirəm, zəmanə pisdir, başına nə gələcək, bilmirəm, narahatam”.
Qeyd edək ki, atasının bildirdiyinə görə, oğlunun evi tərk etməsinə səbəb, ikinci kursda oxuduğu Azərbaycan Dillər Universitetində imtahanlardan kəsirinin olması və bu il təhsil haqqını ödəyə bilməməsidir.
ADU-nun mətbuat xidmətinin rəhbəri Ağa Cəfərli bildirib ki, Ə.Cəfərov yeni dərs ilindən etibarən heç bir dərsdə iştirak etməyib. A.Cəfərli, Əsədullanın təhsil haqqının ödənilməsinə universitet tərəfindənköməklik göstəriləcəyini də bildirib.