203
12:54
01 Oktyabr 2019

Azərbaycan əhalisi son 10 ildə bu qədər artıb

"Azərbaycan əhalisinin sayı son 10 il ərzində, yəni 2009-cu ildən bu günə qədər 1 084 500 və ya 12,1 faiz artıb".
APA -nın məlumatına görə, bunu Yeni Azərbaycan Partiyasının İcra Katibliyində 1-10 oktyabr tarixlərində Azərbaycanda keçiriləcək əhalinin növbəti siyahıalınmasına həsr olunan mətbuat konfransında Dövlət Statistika Komitəsinin sədri Tahir Budaqov bildirib.
Onun sözlərinə görə, nikahların sayında dinamika müşahidə olunub: "Son 15 il ərzində nikahların sayında 11,4 faiz artım olub. Ömür uzunluğu 73,4 yaşdan 75,8 yaşa yüksəlib. O cümlədən kişilər üzrə 70,8 yaşdan 73,3 yaşa, qadınlar üzrə 76,1 yaşdan 78,2 yaşa qədər artıb".