Maduro müxalifətlə dialoqa hazır olduğunu açıqlayıb

Venesuela Prezidenti Nikolas Maduro Norveçin vasitəçiliyi ilə müxalifətlə yeni danışıqlara hazır olduğunu söyləyib.

APA-nın “RİA Novosti”yə istinadən verdiyi xəbərə görə, Maduro deyib ki, qapılar siyasi dialoq üçün açıqdır: “Müxalifətlə dialoqun təşəbbüsü Norveçin dəstəyi ilə yenilənərsə, dərhal bu addımı dəstəkləməyə hazıram”.

Qeyd edək ki, avqust ayında Maduro ABŞ-ın sanksiya siyasətini sərtləşdirməsi səbəbindən Norveçin vasitəçiliyi ilə müxalifətlə danışıqların dayandırıldığını elan etmişdi.

Sentyabrın ortalarında isə Venesuela hakimiyyəti müvafiq razılaşmalar əldə etmək üçün bir sıra siyasi partiyalarla danışıqlara razılaşıb