“Microsoft”dan YENİ ŞİRİFT - FOTO

“Microsoft” şirkəti “Cascadia Code” adlı açıq şrifti təqdim edib.

Lent.az “technote”a istinadla xəbər verir ki, bu şrift terminalların və kod redaktorlarının emulyatorlarında çalışmaq üçün optimizasiya edilib.

Şriftin ilkin komponentləri OFL 1.1 (Open Font License) lisenziyası üzrə yayılır. Bu lisenziya isə öz növbəsində şrifti istənilən qədər təkmilləşdirməyə, onu kommersiya məqsədlərində, çap və veb sayt üçün işlətməyə imkan verir.

Şrifti yükləmək üçün TrueType (TTF) formatında fayl təqdim olunur. Şriftin növbəti yenilənməsində isə onu “Windows Terminal”ın tərkibinə daxil edilməsi planlaşdırılır.

Təqdim olunmuş yeni şriftin əsas özəllikləri arasında həmçinin artıq mövcud olan simvolların kombinasiyaları vasitəsilə yeni “glyph”lərin yaradılmasına imkan verən proqramlaşdırılan liqaturların dəstəyini qeyd etmək olar. Bu cür “glyph”lər Visual Studio Code adlı açıq redaktorda dəstəklənir və kodun oxunması prosesini sadələşdirir.