Əlil arabasındakı xalq artistimiz: “Səhhətim yaxşı deyil” - FOTO

“Səhhətim yaxşı deyil. Artıq ayaqlarım tutmur”.

Bu sözləri Lent.az -a açıqlamasında Azərbaycanın Xalq artisti, xanəndə Canəli Əkbərov deyib. O bildirib ki, hazırda müalicəsinə davam edilir:

“Müalicəm bitdikdən sonra yenə Mərkəzi Klinik Xəstəxanaya müraciət edəcəm, əgər ehtiyac duyarlarsa, yenidən müalicəyə davam edəcəm.

Dünən aşağıdan yuxarı çıxmaq istəyəndə ayaqlarım tutuldu, addım ata bilmirdim. Mənim üçün tez araba gətirib, yuxarı qaldırdılar. Hamı da himə bənddir ki, Cənəli müəllimi arabada görüb, danışsınlar. Nə bilim vallah. İnşallah, yaxşı olacaq. Mənim üçün narahat olan hamıya təşəkkür edirəm”.

Qeyd edək ki, həkimlər C.Əkbərova ürək insultu diaqnozu qoyub.

Bundan başqa ustad xanəndənin müalicə xərclərini Heydər Əliyev Fondu öz üzərinə götürmüşdü.

Onu da qeyd edək ki, dünən aparıcı Hacı Nuran sosial şəbəkədə Canəli Əkbərovun əlil arabasında olan şəkillərini paylaşmışdı.