Rusiya və Türkiyə prezidentləri Vladimir Putin və Rəcəb Tayyib Ərdoğan arasında ikitərəfli görüş başlayıb.
APA-nın Rusiya bürosunun verdiyi xəbərə görə, Putin və Ərdoğan arasındakı görüş Moskva vilayətinin Jukovski aerodromunda keçirilən Beynəlxalq Aviasiya və Kosmik Salon "MAKS 2019" çərçivəsində keçirilir.
Görüşün protokol hissəsində çıxış edən Vladimir Putin türkiyəli həmkarı ilə iki ölkə arasındakı münasibətləri, iqtisadi əlaqələri və regional mövzuları müzakirə edəcəklərini söyləyib.
Ərdoğan isə çıxışında onu Rusiyada keçirilən “MAKS-2019”a dəvət etdiyinə görə V. Putinə təşəkkürünü bildirib: "Bu tədbirdə Rusiyanın hərbi, mülki təyyarələri, helikopterləri ilə tanış olmaqdan çox məmnunam. Rusiyanın kosmosla bağlı fəaliyyəti çox maraqlı idi".
Ərdoğan Putinlə həm təkbətək, həm də ikitərəfli görüş keçirəcəyini və bu görüşdə regional məsələləri müzakirə edəcəklərini də söyləyib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
