Türkiyənin paytaxtı Ankarada böyük cinayət şəbəkəsinin üstü açılıb. Lent.az Türkiyə mətbuatına istinadən bildirir ki, bu şəbəkə xarici ölkələrə səyahət üçün viza almaq istəyənləri tələyə salıb. Cinayətkar dəstənin 95 üzvü olub. Hazırda bu işlə bağlı məhkəmə prosesi başlayıb və saxlanılanlar üçün 7 min 902 ilə qədər həbs cəzası istənilir.
Məlum olur ki, Ankarada fəaliyyət göstərən bu şəbəkə viza verilməsi proseslərinə rəsmi icazəsi olan səlahiyyətli firmaların saytına bənzəyən veb səhifə açıblar. Və bu səhifənin axtarış matorlarında ilk sıralarda yer alması üçün “google”da reklama hər gün 50 min lirə xərcləyiblər.
Dəstə üzvləri 1128 insanı tələyə salaraq 3 milyon 700 min lirə qazanıb.
Cinayətkar şəbəkənin aldatdığı insanlar arasında kifayət qədər tanınmış sənətçilər, həkimlər, hətta vəkillər də var.
Tanınmış aktrisa Akasya Asıltürkmen də onlar tərəfindən aldadıldığını etiraf etdi.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
