Tramp: "Çox pis xəbər oldu, xeyli sayda insan öldürülüb"

"Texas ştatının El Paso şəhərində dəhşətli atışma olub. Çox pis xəbər oldu. Çox sayda insan öldürülüb. Dövlət və yerli hakimiyyət orqanları ilə, eləcə də aidiyyəti orqanlarla intensiv əlaqə yaradılır”.

APA “RİA Novosti”yə istinadən xəbər verir ki. bunu ABŞ Prezidenti Donald Tramp Tvitter səhifəsində Texasda baş vermiş silahlı insidentə münasibət bildirərkən qeyd edib.

Məlumat üçün bildirək ki, CNN telekanalının son xəbərinə görə, El Paso meri Di Marqon atəş açmaqda şübhəli bilinən üç nəfərin saxlanıldığını bildirib.

Qeyd edək ki, şənbə günü Texas şatatının El Paso şəhərində yerləşən “Walmart” ticarət mərkəzində atışma olub.

Hadisə nəticəsində 20 nəfər ölüb, 30 nəfər yaralanıb. Bu məlumat rəsmi təsdiqini tapmasa da, ölən və yaralananların artacağı istisna edilmir.