420
11:51
27 İyul 2019

Xalq artistimiz festivalın kraliçası oldu

Bakıda keçirilən "JARA-2019" Beynəxalq Musiqi Festivalı yenə maraqlı sürprizlərlə doludur.
Lent.az Trend-ə istinadən xəbər verir ki, bu dəfə möhtəşəm şou tədbirin sürprizini Rusiyanın xalq artisti Filipp Kirkorov və Azərbaycanın xalq artisti Aygün Kazımova təqdim edib.
F.Kirkorov azərbaycanlı həmkarını əsl kraliça, "diva" adlandırıb. Festivala isə birgə ifa etdikləri yeni mahnı ilə damğa vurublar. Mahnı "Calma" adlanır. Estrada ulduzları bu mahnıya klip də çəkdirəcəklərini bildiriblər.
Qeyd edək ki, "JARA-2019" musiqi festivalı iyulun 25-28-də Xəzər dənizinin sahilindəki ən gözəl istirahət mərkəzlərinin birində keçirilir. Bu il "JARA 2019"da 250-ə yaxın sənətçi iştirak edir.