906
09:21
28 İyun 2019

Həyat yoldaşı "Toppuş bacı"nın başını keçəl qırxdı - VİDEO

Xərçəng xəstəliyindən əziyyət çəkən Əməkdar artist Tünzalə Əliyeva saçının keçəl qırxdırması anını əks etdirən videosunu sosial şəbəkədə paylaşıb. Lent.az -ın məlumatına görə, aktrisa paylaşımına öz təəssüratlarını bölüşüb: “İlk dəfə saçlarımın töküldüyünü görəndə narahat oldum. Düşündüm ki, qızım Zəhra görüb pis olacaq. Amma birdə baxdım ki, həyat yoldaşım məndən qabaq saçını keçəl edib ki, mənə rahat olsun. Düşündüm ki, saçlarımı kimə qırxdırım? Həyat yoldaşım dedi ki, mən ölmüşəm? Özüm qırxacam. Özü də qırxdı. Yaxşı ki, varımsan”.

Qeyd edək ki, Tünzalə uşaqlıq yolu xərçəngindən əziyyət çəkir. O, bir müddət əvvəl sağaldığını demişdi. Son günlər isə aktrisa xəstəliyin qayıtdığını, şişin boğazına qədər yayıldığını söyləyib.