BMT ən çox əhalisi olan ölkələrin reytinqini açıqlayıb - TOP-10

BMT-nin İqtisadi və Sosial Məsələlər üzrə Departamentinin ekspertləri tərəfindən “World Population Prospects 2019” adlı illik hesabat dərc olunub. Hesabat çərçivəsində dünya əhalisinin dəyişmə tendensiyaları təhlil olunub.

APA-nın sözügedən hesabata istinadən verdiyi məlumata görə, dünya əhalisinin artımı davam edir, lakin artım tempi əhəmiyyətli dərəcədə azalıb. Hazırda əhalinin artım templəri 1950-ci ildən etibarən minimaldır və bu da fertilliyin (nəsilvermə qabiliyyəti) kəskin azalması ilə bağlıdır.

Ekspertlərin proqnozlarına əsasən, 2050-ci ilə dünya əhalisinin sayı 1 milyarddan çox artacaq və artımın əsas hissəsi Cənubi Afrika ölkələrinin payına düşəcək.

Hesabatda həmçinin qeyd olunub ki, 2018-ci ildə tarixdə ilk dəfə olaraq 65 yaşdan yuxarı əhalinin sayı 5 yaşadək olan uşaqların sayını üstələyib.

Ən çox əhalisi olan ölkələrin reytinqi:

#	Ölkə	2019-cu ildə əhalinin sayı, mln. nəfər	2050-ci ilə olan proqnoz, mln. nəfər
1	Çin	1 434	1 402
2	Hindistan	1 366	1 639
3	ABŞ	329	379
4	İndoneziya	271	331
5	Pakistan	217	338
6	Braziliya	211	229
7	Nigeriya	201	401
8	Banqladeş	163	193
9	Rusiya	146	136
10	Meksika	128	155