Xəbər verdiyimiz kimi, Mədəniyyət Nazirliyinin İnformasiya və ictimaiyyətlə əlaqələr şöbəsinin müdiri İntiqam Hümbətov Lent.az-a ƏSA Teatrının rəhbəri Nihad Qulamzadənin mədəniyyət naziri Əbülfəs Qarayevə müraciət etməsinə cavab olaraq təkliflərinin olduğunu bildirmişdi:
"Teatrla nazirlik arasında müqavilə əsasında ƏSA Teatrı nazirliyin strukturuna daxil olan teatrlarının birinin binasında ayda bir dəfə təmənnasız olaraq tamaşa nümayiş etdirməsi ilə təmin ediləcək”.
Təkliflə əlaqədar Lent.az-a açıqlama verən ƏSA Teatrının rəhbəri Nihad Qulamzadə deyib ki, bu gün nazirliyə dəvət olunaraq, görüşdə iştirak edib:
“İntiqam bəyin də dediyi kimi, nazirlik strukturuna daxil olan teatrlarda ayda bir dəfə bizim tamaşanın təmənnasız nümayişinə şərait yaradacaq. Beləliklə, növbəti mövsümdən etibarən ƏSA ayda bir dəfə tamaşaçıların görüşünə gələ biləcək”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
