1423
18:21
06 May 2019

Rusiyada messencerlərdə identifikasiya ilə bağlı yeni qaydalar qüvvəyə minib

Mayın 5-dən messencerlər istifadəçinin telefon nömrəsini mobil operatorda qeydiyyatdan keçirmələri barədə məlumatları yoxlamalıdırlar.
ONA -nın Rusiya mətbuatına istinadən verdiyi məlumata görə, Rusiya hökumətinin müvafiq fərmanına əsasən, messencerlərlər istifadəçilərin telefon nömrələrini mobil operatorlarda qeydiyyatı barədə məlumatları yoxlamalıdırlar.
Operatorlar isə öz növbəsində istənilən məlumatı 20 dəqiqə ərzində təqdim etməlidirlər. Əks təqdirdə identifikasiya qəbul edilmiş sayılmayacaq.
Mobil operator telefon nömrəsini öz verilənlər bazasında tapmadığı təqdirdə, abunəçinin hansı messencerdən istifadə etdiyini göstərərək, ona xüsusi kod təyin etməlidir.