Merin seçilməsi Bakı Şəhər İcra Hakimiyyətinin səlahiyyətinə aid deyil - Eldar Əzizov

"Hazırkı struktur daha səmərəli işləyir. Bütün ehtiyatlardan yaxşı istifadə edilərsə, nəticə əldə etmək olar". Lent.az xəbər verir ki bunu paytaxt merinin seçilməsi ilə bağlı məsələyə münasibət bildirərkən Bakı Şəhər İcra Hakimiyyətinin başçısı Eldar Əzizov deyib.

Onun sözlərinə görə, paytaxt merinin seçilməsi ilə bağlı məsələ Bakı Şəhər İcra Hakimiyyətinin səlahiyyətinə aid deyil.

"Bu vəzifəyə təyinat qanunvericiliklə tənzimlənir. Konstitusiyaya görə, Bakı Şəhər İcra Hakimiyyətinin başçısı prezidentin səlahiyyətli nümayəndəsi kimi çıxış edir. Bu, bir institutdur, meriya isə başqa institut" deyən E.Əzizov hər birinin öz üstünlüyü və zəif tərəflərinun olduğunu bildirib.