190
11:42
28 Fevral 2019

Elmar Məmmədyarov Dünya İqtisadi Forumunun prezidenti ilə görüşüb

Xarici işlər naziri Elmar Məmmədyarov Dünya İqtisadi Forumunun prezidenti Borge Brende ilə görüşüb. Bu barədə Lent.az -a Xarici İşlər Nazirlitindən bildirilib.
Məlumata görə, görüş zamanı Borge Brende Elmar Məmmədyarovu bu il aprelin 6-7-də İordaniyada keçiriləcək Dünya İqtisadi Forumunun Yaxın Şərq və Şimali Afrika üzrə tədbirinə dəvət edib. B.Brende tədbir çərçivəsində Körfəz ölkələrinin xarici işlər nazirlərinin iştirak edəcəyi Avrasiya seqmentinin çox önəmli olduğunu diqqətə çatdırıb.
Öz növdəsində, Elmar Məmmədyarov Cenevrəyə səfərinin məqsədləri ilə bölüşüb, eləcə də Azərbaycanın 2019-cu ilin oktyabrın 21-26-da Qoşulmama Hərəkatı dövlət və hökumət başçılarının 18-ci sammitinə ev sahibliyi edəcəyi barədə həmsöhbətini məlumatlandırıb.
XİN başçısı Dünya İqtisadi Forumunun prezidentinə Ermənistan-Azərbaycan Dağlıq Qarabağ münaqişəsinin həlli istiqamətində aparılan hazırkı danışıqlar prosesi barədə məlumat verib.
Görüş zamanı, regional və qlobal gündəlikdə olan mövzular ətrafında da fikir mübadiləsi aparılıb.