Xəstəxanada olan Fəxrəddin Manafovdan xəbər var

Almaniyaya müayinə üçün getmiş xalq artisti Fəxrəddin Manafov tezliklə Azərbaycana dönəcək.

Lent.az -ın “axşam.az”a istinadən xəbərinə görə, bu barədə aktyorun çalışdığı Rus Dram Teatrının mətbuat xidmətindən bildiriblər:

“Fəxrəddin Manafov Almaniyaya müayinəyə gedib. Onurğasında bəzi problem var, nə səviyyədədir, yəqin ki, müayinə zamanı müəyyən edilib. Bizə özü zəng edib və vəziyyətinin yaxşı olduğunu deyib. Həm də bildirib ki, bir-iki günə gələcək”.

Məlumata görə, xalq artisti Almaniyaya təxminən bir həftə qabaq gedib.

Qeyd edək ki, F.Manafov 2016-cı ildən Rus Dram Teatrında çalışır.