Bakı barlarında VİSKİ ƏMƏLİYYATI:  saxlanılanlar var - VİDEO
05 noyabr 2022 12:00 (UTC +04:00)

Bakı barlarında VİSKİ ƏMƏLİYYATI: saxlanılanlar var - VİDEO

Bakıda gecə klublarına saxta içki satanlar saxlanılıb.

Daxili İşlər Nazirliyindən Lent.az-a verilən məlumata görə, Baş Mütəşəkkil Cinayətkarlıqla Mübarizə İdarəsinin əməkdaşları Qida Təhlükəsizliyi Agentliyinin mütəxəssislərinin iştirakı ilə gizli sexlərdə saxta spirtli içkilər hazırlayaraq satış şəbəkəsi quran daha bir mütəşəkkil dəstəyə qarşı əməliyyat keçirib. Nəticədə dəstənin üzvləri - Emil Həsənov, Elçin Mirzəyev, Mikayıl Abbasov, Cahid Şahbazov, Rasim Nuriyev, Neman Abdullayev, Tərxan Kəlbiyev və Sərqam Orucov tutulublar.

Saxlanılan şəxslər

Müəyyən olunub ki, Mikayıl Abbasovla Elçin Mirzəyev paytaxta yaxın qəsəbələrdə gizli sexlər yaradaraq orada kustar üsulla viski, tekila, konyak, araq və digər növdən olan spirtli içkilər hazırlayıblar. Daha sonra bu şəxslər spirtli içkilərin topdan satışı ilə məşğul olan Neman Abdullayev, eləcə Bakı şəhərində yerləşən “Gold Baku” və “Tunel” gecə klublarının sahibləri Cahid Şahbazov, həmçinin Emil Həsənovla birgə cinayət əlaqəsinə girərək saxta spirtli içkilərin həmin obyektlərdə müştərilərə satışını təşkil ediblər.

Əməliyyat tədbirlərinin davamı olaraq Baş İdarənin əməkdaşları tərəfindən adları sadalanan şəxslərə məxsus saxta spirtli içkilərin hazırlandığı sexlərə, anbarlara və gecə klublarına baxış keçirilib. Həmin obyektlərdən xeyli sayda müxtəlif əmtəə nişanları altında qablaşdırılmış saxta spirtli içkilər, çoxsaylı etiketlər, qapaqlar, qidada istifadəsi nəzərdə tutulmayan texniki spirt və sair maddi sübutlar aşkar olunaraq götürülüb. Aşkar edilən saxta spirtli içkilərin ekspertizası zamanı müəyyən edilib ki, həmin məhsullar istifadəyə yararsız olmaqla bərabər insan sağlamlığı üçün də ciddi təhlükə mənbəyidir.

Faktlarla bağlı Baş İdarədə Cinayət Məcəəlləsinin müvafiq maddəsi ilə cinayət işi başlanılıb. Mütəşəkkil dəstənin üzvləri barəsində Nərimanov rayon Məhkəməsinin qərarı ilə həbs-qətimkan tədbiri seçilib. Qeyd olunan hüquqazidd əməllərin hərtərəfli araşdırılması istiqamətində zəruri istintaq-əməliyyat tədbirləri davam etdirilir.

Qeyd edək ki, Daxili İşlər Nazirliyi Qida Təhlükəsizliyi Agentliyi ilə birgə əhalinin ərzaq təhlükəsizliyinin təmin edilməsi istiqamətində tədbirləri bundan sonra da davam etdirəcək.

# 4062
avatar

Oxşar yazılar

Rusiyada meyvə-tərəvəz BÖHRANI:  heç nə tapılmır - VİDEO

Rusiyada meyvə-tərəvəz BÖHRANI: heç nə tapılmır - VİDEO

28 yanvar 2023 , 17:35
BDU-dan tələbələrin liftdə qalmasına  münasibət - VİDEO

BDU-dan tələbələrin liftdə qalmasına münasibət - VİDEO

28 yanvar 2023 , 15:09
Xoruz uşaqlarla futbol oynadı - VİDEO

Xoruz uşaqlarla futbol oynadı - VİDEO

28 yanvar 2023 , 11:54
Terrorçu səfirliyimizə neçə dəfə hücum edib? - Yayılan videolara aydınlıq gətirildi

Terrorçu səfirliyimizə neçə dəfə hücum edib? - Yayılan videolara aydınlıq gətirildi

28 yanvar 2023 , 10:01
Səfirliyimizin əməkdaşı terrorçunu belə zərərsizləşdirib – YENİ VİDEO

Səfirliyimizin əməkdaşı terrorçunu belə zərərsizləşdirib – YENİ VİDEO

27 yanvar 2023 , 18:56
Bakıda  itlərin yemək qabını  oğurlayan KAMERALARA DÜŞDÜ

Bakıda itlərin yemək qabını oğurlayan KAMERALARA DÜŞDÜ

27 yanvar 2023 , 18:10
Bakıda iranlıların yaratdığı cinayətkar dəstənin üzvləri tutuldu - VİDEO

Bakıda iranlıların yaratdığı cinayətkar dəstənin üzvləri tutuldu - VİDEO

27 yanvar 2023 , 17:52
İranda şəhid olan Orxan Əsgərovun yaxınları DANIŞDI  -VİDEO

İranda şəhid olan Orxan Əsgərovun yaxınları DANIŞDI -VİDEO

27 yanvar 2023 , 16:49