“Twitter” sosial şəbəkəsi səsli şəxsi mesajlarla mübadilə funksiyasını sınaqdan keçirməyə başlayıb.
Lent.az “ICTnews” a istinadən xəbər verir ki, artıq Yaponiya, Braziliya və Hindistanda bəzi istifadəçilərdə bu imkan əlçatan olub.
Səsli mesaj göndərmək üçün artıq başlanmış dialoqa daxil olmalı və ya yeni dialoq yaratmalı, bundan sonra səs nişanına sıxmaq lazımdır.
“Stop” düyməsini sıxmaqla səs yazısını bitirmək, həmçinin səsli mesajı göndərməzdən əvvəl onu dinləmək mümkündür.
Şirkətdən bildirilib ki, eksperimental funksiya istifadəçilərə söhbət vaxtı "özünü ifadə etmək üçün daha çox imkan" yaradacaq.
“Android” və “iOS” əməliyyat sistemləri üçün “Twitter” mobil proqramında səsli mesajlar yazmaq, veb-versiyada isə yalnız həmin mesajları dinləmək mümkündür.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
