Tələbə Qəbulu üzrə Dövlət Komissiyası qabiliyyət imtahanlarının keçirilməsi şərtlərini açıqlayıb. Lent. az-ın məlumatına görə, abituriyentlər elektron ərizələrini təsdiq etdirdikdən sonra, mayın 1-dən 20-dək tələb olunan sənədləri və yaradıcılıq fəaliyyətinə dair işləri Qabiliyyət İmtahanı Komissiyalarına(QİK) verməli və seçmə turda iştirak etməlidirlər.
QİK-də abituriyentlərin qabiliyyəti yoxlanılacaq və uğur qazananlar qeydiyyata alınacaqlar. Qeydiyyata alınmış abituriyentlər test imtahanlarında iştirak edəcəklər.
Qabiliyyət imtahanlarının keçirilməsi ilə bağlı bütün məlumatlar “Ali təhsil müəssisələrinin xüsusi qabiliyyət tələb edən ixtisasları üzrə müsabiqə şərtləri”ndə və “Tam orta təhsil bazasında orta ixtisas təhsili müəssisələrinin xüsusi qabiliyyət tələb edən ixtisasları üzrə müsabiqə şərtləri”ndə verilib.