Aprelin 14-də növbəti sınaq imtahanı keçiriləcək. Lent.az-ın məlumatına görə, artıq ötən həftədən etibarən növbəti sınaq imtahanına yazılış başlayıb. TQDK sınaq imtahanlarını abituriyentlərin qəbul imtahanına hazırlığı və onlarda imtahan vərdişlərinin formalaşması, bilik səviyyəsini qiymətləndirmək məqsədilə keçirir.
Qeyd edək ki, aprelin 7-də respublikanın 28 şəhər və rayonunda ilk sınaq imtahanı olub. İmtahanların nəticələrinin bu həftə açıqlanacağı gözlənilir.