Əhalinin sosial müdafiəsi mərkəzlərinin sosial-məişət işçiləri tərəfindən tənha, ahıl və əlillərə evlərində sosial-məişət xidməti göstərilir. Bu barədə Lent. az-a ƏƏSMN - nin ictimaiyyətlə əlaqələr şöbəsindən məlumat verilib.
Hazırda evlərində xidmət edilən vətəndaşların sayı 13650 nəfərdən çoxdur. Onların 11 minə yaxını qadınlardır. Xidmət göstərilənlərdən 11 600-dən çoxunun yaşı 70-dən yuxarıdı.
Onu da qeyd edək ki, tək yaşayan və onları saxlamağa övladları olmayan 70 yaşına çatmış tək, ahıl vətəndaşlar, həmçinin I qrup əlillər, başqasının köməyinə ehtiyacı olan II qrup əlillər Həkim Məsləhət Komissiyasının və ya Tibbi Sosial Ekspert Komissiyasının rəyinə əsasən xidmətə götürülürlər.