Ulduz falı qadına lotereyada cekpot qazandırdı
03 mart 2024 19:07 (UTC +04:00)

Ulduz falı qadına lotereyada cekpot qazandırdı

Merilend ştatının Baltimor şəhərində yaşayan qadın ulduz falının gündəlik həyatını dəyişmək məsləhətinə əməl etdikdən sonra lotereyada 100 min dollar qazanıb.

Lent.az xarici KİV-ə istinadən xəbər verir ki, anonim qalmağa üstünlük verən qadın adətən eyni nömrələrdən istifadə edərək Pick 3 və ya Pick 4 lotereya oyunlarını oynayırdı. Ancaq həyatına yeni bir şey gətirməyi tövsiyə edən ulduz falı oxuduqdan sonra şansını başqa bir lotereyada sınamaq qərarına gəlib.

Qadın alış-veriş zamanı adi oyunlar əvəzinə 10 dollara Fast Play bileti alıb. Mağazada yoxladıqdan sonra, uyğun gələn nömrələr hesabına 100.000 dollar qazandığını aşkar edib.

"Həyatıma yeni bir şey gətirmək üçün yaxşı şans idi və mən bundan yararlanmağa qərar verdim", - qalib öz təcrübəsini bölüşüb.

Lotereya rəsmilərinin dediyinə görə, qadın və əri uduşları onları əhəmiyyətli dərəcədə narahat edən tibbi xərcləri ödəmək üçün istifadə etməyi planlaşdırır. Onlar bu pulun onlara gündəlik həyatlarında rahatlıq və sakitlik gətirəcəyinə ümid etdiklərini bildiriblər.

# 11445
avatar

Oxşar yazılar