Qızın şərtlərini eşidib evlənməkdən vaz keçdi

Türkiyənin Kayseri vilayətində fermerlik edən F.D. tanış olduğu N.S.Ç. ilə evlənmək istəyib.

Lent.az xəbər verir ki, təxminən 3400 manatlıq tək qaşlı üzüklə atlar arasında evlilik təklifi edən F.D. gəlin namizədə sürpriz etməyə çalışdığı zaman gəlin namizədinin istəklərini eşidəndə dəhşətə gəlib.

Kayserili fermer F.D. bir müddətdir dost olduğu N.S.Ç.-yə 2ay əvvəl hisslərini açıqlayıb. N.S.Ç. isə onunla evlənmək istəyən F.D.-yə "Mənə elə evlilik təklifi et ki, təəccüblənim" deyib.

Bunun üçün balonda evlilik təklifi, orkestr ilə evlilik təklifi kimi bir çox variantı düşünən F.D. atlarının müşayiəti ilə Sultan Sazlığı Milli Parkında evlilik təklifi etmək qərarına gəlib.

Bundan sonra N.S.Ç., bu təklifə təəccübləndiyini deyərək təklifi qəbul edib. Qız istəmə prosesindən əvvəl özünü təvazökar aparan gəlin, nişandan bir gün əvvəl anası və bacısını da özü ilə apararaq bəy namizədi kafeyə görüşə dəvət edib. Daha sonra o toyla bağlı istəklərini bir-bir sadalayıb. Gəlin namizəd ilkin olara 0 yürüşlü avtomobil və nişandan əvvəl 10 min manatlıq üzük istəyib.

Bundan sonra gəlin namizəd toya qədər bəyin ona 4 otaqlı ev və 30 ədəd qızıl Adana qolbağı almasını istəyib.

Bundan sonra olanları bəy belə rəvayət edib:

“Bu istəklər ən azı 15 milyon lirədir (750 min manat). Hər şeyi fikirləşdilər, o cümlədən evin mebelini. Məndən evin içini ən bahalı əşyalarla təchiz etməyimi istədilər. Qızın atası Kayseridə bələdiyyəyə gələrək adıma olan, torpaq sahələrinin, əkin sahələrinin siyahısını tərtib edib. Bizim məhəlləyə də gəlib qapı-qapı gəzib. Mənim haqqımda məlumat toplayan bir kəşfiyyat bürosu olan ata bu əməliyyatı həyata keçirdikdən sonra evliliyə razı olub. Qız toydan əvvəl alacağım evi və avtomobili onun adına keçirməyimi istəyirdi. Əslində bu istəkləri ilə o məni daha çox təəcüübləndirdi. Yaxşı canımı qurtardım. Mən də onlara dedim ki, bu saydıqlarınızı siz mənə alın mən sizə gəlin gəlim”.