İnsanın barmaq uzunluqları arasındakı nisbət onun alkoqola meyilli olub-olmadığını əvvəlcədən göstərə bilər.
Lent.az xarici mediaya istinadla bildirir ki, araşdırmaya görə, şəhadət barmağı ilə adsız barmaq arasındakı uzunluq fərqi, ana bətnində testosterona məruz qalma dərəcəsi ilə əlaqəlidir və bu amil yetkinlik dövründə davranışa təsir göstərir.
Uzun adsız barmaq – daha yüksək risk
Müəyyənləşib ki, adsız barmağı şəhadət barmağından daha uzun olan şəxslər içkiyə daha çox meyllidir. “Testosteron göstəricisi” adlanan bu nisbət xüsusilə kişilərdə daha əhəmiyyətli nəticə göstərib. Anadangəlmə testosteron və estrogen təsiri insanın riskli davranışlara və spirt qəbulu vərdişinə meylini formalaşdıra bilər.
Araşdırma çərçivəsində 258 tələbədən məlumat toplanıb. Məlum olub ki, kişilər spirtli içkiləri daha çox istifadə edir və alkoqolla bağlı ölüm riski də onlarda daha yüksəkdir. Bu isə testosteronun ana bətnindəki təsirinin yetkinlikdə davranış modelini formalaşdırdığını bir daha təsdiqləyir.
Barmaq ölçüləri erkən diaqnostika vasitəsi ola bilər
Barmaq uzunluqları kimi fizioloji göstəricilər gələcəkdə risk qrupunu erkən müəyyən etmək və müdaxilə metodlarını təkmilləşdirmək üçün istifadə oluna bilər. Barmaq uzunluğu ilə davranış arasındakı əlaqə daha əvvəl də araşdırılmışdı, bu göstəricinin COVID-19-dan sağalma sürəti, idman göstəriciləri və aqressiya səviyyəsi ilə əlaqədar olduğu barədə elmi işlər mövcuddur.
Yeni nəticələr alkoqolizmə qarşı profilaktikada fizioloji markerlərin əhəmiyyətini bir daha gündəmə gətirir və doğuşdan gələn xüsusiyyətlərin davranış formalaşdırmada roluna dair anlayışı genişləndirir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
