“Ailə Məcəlləsi və daha 7 qanun layihəsinə təklif edilən dəyişikliklər uşaq hüquqlarının qorunması məqsədilə qəyyumluq və himayə orqanlarına bir sıra səlahiyyətlər verilir.
Mən bu xüsusda elektron idarəetmənin qazandırdığı dividendlərə nəzər salmaq istərdim”.
Lent.az xəbər verir ki, bu barədə deputat Nigar Məmmədova açıqlama verib.
Deputat qeyd edib ki, təcrübə göstərir ki, elektron hökumət sistemi hökumət və vətəndaşlar arasında etimadın qurulmasına, nəticə etibarı ilə isə şəffaflığın və hesabatlılığın təmin olunmasına zəmin yaradır:
“Həmçinin inzibati prosesləri sadələşdirir, sənədləşmə işlərini minimuma endirir, Prosesin sürətlənməsini təmin edir, vətəndaş məmnunluğuna zəmin yaradır.
Həmçinin zəruri dövlət orqanları arasında müvafiq proseslərin sadələşdirilməsi bəzi mümkün risklərin qarşısını almış olacaq.
Belə ki, gecikmə halları minimuma endiriləcək, eyni zamanda elektron bazadan sənədlərin əldə edilməsi sayəsində uşaq hüquqlarının müdafiəsilə bağlı aidiyyatı qurumların vaxtında müdaxiləsi müvafiq riskləri ortadan qaldıracaq”.
Nigar xanım onu da qeyd edib ki, xüsusilə vurğulayır ki, yeni dəyişikliklər etimadın artmasını təmin edəcək, qəyyumluq prosesinə müsbət təsir göstərəcək:
“Bununla yanaşı, təklif olunan dəyişikliklər dövlət tərəfindən monitorinq və nəzarət funksiyalarının gücləndirilməsinə töhfə verərək, övladlığa götürən ailələrin məsuliyyətini artıracaq”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
