Culfa və Zərdabda 44 dərəcə temperatur qeydə alınıb

Ekologiya və Təbii Sərvətlər Nazirliyinin Milli Hidrometeorologiya Departamenti ölkə ərazisində müşahidə olunan anomal isti hava şəraiti ilə əlaqədar Bakıda və Abşeron yarımadasında hər saatdan bir maksimal temperatur üzərində müşahidələr aparır.

Lent.az-ın nazirliyin saytına istinadən verdiyi məlumata görə, bu gün Bakıda maksimal temperatur 38,5 dərəcə olub. Sumqayıtda isə havanın hərarəti 6-7 dərəcə düşüb. Bu gün Sumqayıtda maksimal temperatur 31,5 dərəcə təşkil edib.

Stansiyanın adı	S a a t							Maksimal temperatur
Stansiyanın adı	11:00	12:00	13:00	14:00	15:00	16:00	17:00	Maksimal temperatur
Bakı	34.0	35.0	35.6	36.4	37.2	37.8	38.4	38.5
Sumqayıt	30.4	31.5	31.2	31.2	31.0	31.3	31.3	31.5
Maştağa	32.2	32.8	32.8	32.8	34.0	33.8	34.0	34.0
Pirallahı	31.5	31.7	31.5	31.7	31.7	31.5	31.3	32.0
Neft Daşları	29.6	29.6	29.4	29.7	30.0	30.0	30.0	30.0

Qeyd edək ki, avqustun 1-də ölkə ərazisində ən yüksək temperatur aşağıdakı rayonlarda müşahidə olunub: Şərur, Ağstafa, Göyçay, İmişli, Cəfərxan, Salyan, Göytəpədə 40 dərəcə, Ordubad, Biləsuvar, Sabirabadda 41 dərəcə, Naxçıvan, Kürdəmir, Qazıməmməd 42 dərəcə, Culfa, Zərdab 44 dərəcə.