“Qanunların adındakı “haqqında” sözü artıqdır”

APA-nın məlumatına görə, bu barədə Milli Məclisin Mədəniyyət komitəsinin sədri Nizami Cəfərov bildirib. Komitə sədrinin sözlərinə görə, hazırda qanunların dili çox mürəkkəbdir və dəyişikliklərdə istifadəsinə ehtiyac olmayan bir sıra terminlər çıxarılacaq.

“Qanunların adında istifadə olunan “haqqında” termini belə artıq sözlərdəndir. Bu söz rus dilindən gəlib. Bəlkə də rus dili üçün onun istifadəsi vacibdir. Azərbaycan dilində buna ehtiyac yoxdur. Hesab edirik ki, qanunların adında “haqqında” sözü ləğv olunmalıdır», - deyə N.Cəfərov vurğulayıb.

Millət vəkili onu da əlavə edib ki, qanunların dilindəki mürəkkəblik səbəbindən məhkəmənin çıxardığı hökmü sadə vətəndaşlar anlamaqda çətinliklərlə üzləşirlər.