“Ermənistan tərəfindən təxribatlar bu gün daha intensivləşib".
Lent.az xəbər verir ki, bunu Müdafiə Nazirliyində Ermənistan Silahlı Qüvvələrin dövlət sərhədində törətdikləri təxribatlarla bağlı keçirilən brifinqdə mətbuat xidmətinin rəis müavini, polkovnik-leytenant Anar Eyvazov deyib.
O bildirib ki, Ermənistan tərəfi bu gün hərbi əməliyyatlarla başlayıb: "Kəlbəcər və Laçın rayonlarında ermənilər minaatan, artilleriya və qumbaralardan atəş açıb. Nəticədə iki hərbiçimiz yaralanıb. Onların həyatına təhlükə yoxdur. Silahlı Qüvvələrimiz tərəfindən dərhal təxirə salmaz əməliyyat tədbirləri həyata keçirilib. Sərhəddə vəziyyət gərgin olaraq qalır, əməliyyat üstünlüyü ordumuzdadır".
A. Eyvazov qeyd edib ki, xeyli sayda sursat hərbi qənimət kimi ələ keçirilib: "Adekvat tədbirlər görülüb. Hücum tam iflasa uğrayıb. Hazırda sərhəddə vəziyyət gərgin olaraq qalır, vəziyyət nəzarət altındadır".
Anar Eyvazov
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
