Heç düşünmüsünüzmü ki, pişiklər analarını və ya bacı-qardaşlarını xatırlayırmı, uzun ayrılıqdan sonra bir-birlərini tanıya bilirlərmi? Bu sualın cavabı sadə “bəli” və ya “yox” cavabından qat-qat mürəkkəbdir.
Lent.az xarici mediaya istinadla pişiklərin valideynlərini xatırlayıb-xatırlamadığı ilə bağlı maraqlı məlumatları tqdim edir.
Pişiklər analarını xatırlayırmı?
Pişiklərdə valideyn və övlad münasibətləri insanlarındakından fərqlidir. Bu heyvanlar təbiətcə tək yaşayırlar. Ona görə də pişiklər analarını insanlar kimi xatırlamır.
Pişiklər bir-birlərini qoxu vasitəsilə tanıyırlar. Əgər ana və balalar uzun müddət ayrılmasa, onlar bir-birlərini tanıya bilərlər. Lakin bu, ananın balaya həmişə mehriban yanaşacağı anlamına gəlmir. Adətən, balanın yaşı 10–12 həftəyə çatdıqda, ana artıq onu digər heyvanlar kimi qəbul etməyə başlayır.
Bəs pişiklər balalarını tanıyırmı?
Əgər bala pişik və anası bir-birindən ayrılarsa, gələcəkdə bir-birlərini tanımaları çətin olar. Çünki zaman keçdikcə pişiyin qoxusu dəyişir və bu, pişiyin digər pişiyin “şəxsiyyətini” artıq tanımaması deməkdir.
Bala pişiklər doğulandan sonra anaları ilə çox vaxt keçirir, adətən “yuva” adlanan yerdə, məsələn, qutu içində analarının südü ilə qidalanırlar. Lakin yaş artdıqca onların süd ehtiyacı azalır və hormonal dəyişikliklər nəticəsində qoxuları dəyişməyə başlayır. Bir müddət sonra bu dəyişiklik o qədər güclü olur ki, pişiklər artıq bir-birlərini eyni balalar kimi tanımırlar.
Qeyd edək ki, bəzən ana pişik yanında olan balaları, hətta biologiyası ona aid olmayanları belə qoruyur, sadəcə ona görə ki, onlar onun balası kimi “qoxuyur”.
Pişiklər öz uşaqlığını xatırlayırmı?
İnsanlar kimi, pişiklərin də qısa və uzunmüddətli yaddaşı olur. Bunu sübut edən hal da odur ki, siz tətildə olarkən evdə tək qalan pişiyiniz sizi unutmur. Siz evə döndükdə o sizi tanıyır, baxmayaraq ki, sizi səssiz qarşılaması da mümkündür.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
