ABŞ dövlət katibinin müavini Minsk qrupunun həmsədrləri ilə görüşəcək

Bu gün ABŞ dövlət katibinin müavini Uilyam Berns ATƏT-in Minsk qrupunun həmsədrləri Robert Bradtke (ABŞ), İqor Popov (Rusiya) və Bernar Fasye (Fransa) ilə görüşəcək.

Lent.az-ın verdiyi məlumata görə, bu barədə ABŞ Dövlət Departamentinin saytında məlumat yerləşdirilib.

Görüşdə ATƏT sədrinin şəxsi nümayəndəsi Anjey Kasprşik də iştirak edəcək. Görüşdə Dağlıq Qarabağ münaqişəsi ətrafındakı danışıqların hazırkı vəziyyəti müzakirə olunacaq. Uilyam Berns ABŞ-ın sülhün əldə olunmasına dəstək verdiyini bir daha vurğulayacaq.