APA-nın baş direktorunun Avropa Şurasına səfəri başlayıb

Azəri-Press Agentliyinin (APA) baş direktoru Vüsalə Mahirqızının Avropa Şurasına (AŞ) tanışlıq səfəri başlayıb.

APA-nın Avropa bürosunun xəbərinə görə, səfər AŞ-nin Kommunikasiya Direktorluğunun dəvəti ilə həyata keçirilir.

V. Mahirqızı agentliyin Avropa Şurasının mərkəzi ofisindəki yeni bürosu ilə tanış olub.

Qeyd edək ki, APA keçmiş MDB məkanından AŞ-da ofislə təmin olunan ilk və yeganə agentlikdir. Şurada Türkiyənin NTV kanalı, “Reuters”, “Frans-Press” kimi dünyada və müxtəlif regionlarda tanınmış 13 media qurumunun ofisi var ki, onlardan da biri APA-dır.

APA baş direktorunun AŞ-nin Kommunikasiya Direktorluğu rəhbərinin müavini Allun Dreyk, Kommunikasiya Direktorluğunun mətbuat katibi Can Fişek, qurumun ictimaiyyətlə əlaqələr üzrə rəhbəri Ceremi Moakes, AŞ Venesiya Komissiyasının mətbuat katibi Tatyana Mışelova, AŞ PA-nın mətbuat katibliyinin rəhbəri Mikaela Katalano, AŞ-nin İnsan haqları üzrə Komissarının mətbuat katibi Stefano Montanari, Avropa İnsan Haqları Məhkəməsinin mətbuat katibi Stefano Piedimonte, AŞ Yerli və Regional Hakimiyyətlər Konqresinin mətbuat katibi Dmitri Marçenkov, eləcə də Azərbaycanın AŞ yanındakı Daimi Nümayəndəliyinin rəhbəri Arif Məmmədovla görüşləri planlaşdırılıb.