Seçki blokları seçki prosesini necə dəyərləndirir? – SORĞU

Hətta məntəqədə seçki prosesini pozmağa cəhd göstərənlər də oldu. Amma bunların qarşısı alındı”.

Bunu APA-ya açıqlamasında bu gün keçirilmiş seçkilərə ilkin münasibətində “İslahat” blokunun həmtəsisçisi olan Böyük Quruluş Partiyasının başqanı Fazil Qəzənfəroğlu deyib. F. Qəzənfəroğlu əhalinin prosesdə fəal iştirak etdiyini, normal səs verdiyini deyib: “İndi də səslərin sayılması prosesi gedir. Məncə, seçkinin demokratikliyi barədə heç kimdə şübhə olmamalıdır”.

Müsavat başqanı İsa Qəmbərin isə seçki prosesinə münasibəti mənfi olub. O, “AXCP-Müsavat” blokunun yalnız dairələrin 1/3-də namizədi olduğunu vurğulayıb: “Baş vermiş qanun pozuntuları çox idi. Bu şəkildə keçirilmiş seçkini normal hesab etmirik”.

“Demokratiya” blokunun həmtəsisçisi olan Demokratik İslahatlar Partiyasının sədri Asim Mollazadə isə yalnız namizəd olduğu dairə ilə bağlı seçkinin gedişinə münasibət bildirib: “Bizim dairədə seçki sakit keçdi. Seçicilərin öz iradələrini normal ifadə etmək imkanı oldu, ciddi problemlərlə üzləşmədik”.

“Qarabağ” seçki blokunun həmtəsisçisi olan Ümid Partiyasının sədri İqbal Ağazadə isə seçkiyə ilkin qiymət verməyə tələsmir: “Biz seçkiyə ilkin qiyməti yalnız müşahidə etdiyimiz dairələr üzrə verə bilərik. Təəssüf ki, bizim müşahidə etdiyimiz dairələrin sayı az idi. Çünki Ümid Partiyasının cəmi 17, “Qarabağ” blokunun isə 33 namizədi qeydə alınmışdı. Hələ blokun digər namizədlərindən məlumat almamışıq. 17 dairə üzrə seçkiyə ümumi qiymət vermək praktik olaraq mümkün deyil”.

“İnsan naminə” blokunun həmtəsisçisi olan Vətəndaş və İnkişaf Partiyasının sədri Əli Əliyevin də seçki ilə bağlı ilkin rəyi müsbət olmayıb. O, seçkiyə daha çox öz dairəsi üzrə qiymət verib və burdakı prosesdən narazı qaldığını bildirib.