Almanı bu vaxt yesəniz faydadan çox zərəri olacaq

Alma ən faydalı meyvələrdən biridir, çünki tərkibində çoxlu vitamin, mineral və bioloji aktiv maddələr var. Onlar bir çox xəstəliklərin qarşısını almağa kömək edir. Ancaq sağlamlıq üçün maksimum fayda əldə etmək üçün alma yeməyin vaxtına diqqət yetirmək vacibdir.

Lent.az alma yeməyin sağlamlıq üçün ən düzgün hesab olunan vaxtı barədə xəbər verir.

Niyə səhər tezdən yemək olmaz?

Mütəxəssislərin fikrincə, acqarına alma yemək tövsiyə edilmir, çünki bu, qarında köp, hətta qəbizlik yarada bilər. Optimal variant meyvəni səhər yeməyindən və ya nahardan təxminən bir saat sonra qəbul etməkdir. Səhər saatlarında mədənin lifləri həzm etməsi daha asan olur və orqanizm faydalı maddələri daha yaxşı mənimsəyir.

Axşam yemək hansı risk yaradır?

Axşam saatlarında, xüsusilə 18:00-dan sonra həzm turşuları azalır, qida daha ləng həzm olunur. Bu zaman yeyilən alma mədədə uzun müddət qala bilər ki, bu da həzm sisteminə mənfi təsir göstərir və hətta yuxu pozğunluqlarına səbəb ola bilər.

Pektinin faydası

Alma həmçinin pektinlə zəngindir. Bu maddə süd turşusunun əmələ gəlməsinin qarşısını alır, bağırsaqlarda faydalı bakteriyaların artmasına kömək edir və həzm sisteminin normal fəaliyyətini dəstəkləyir. Bundan başqa, toksinlərin orqanizmdən çıxarılmasına və mədə-bağırsaq problemlərinin azaldılmasına şərait yaradır.